वात्सल्यादभयप्रदानसमयादार्तार्तिनिर्वापणा-
-दौदार्यादघशोषणादगणितश्रेयः पदप्रापणात् ।
सेव्यः श्रीपतिरेक एव जगतामेतेऽभवत्साक्षिणः
प्रह्लादश्च विभीषणश्च करिराट् पाञ्चाल्यहल्याध्रुवः ॥ १ ॥
प्रह्लादास्ति यदीश्वरो वद हरिः सर्वत्र मे दर्शय
स्तम्भे चैवमिति ब्रुवन्तमसुरं तत्राविरासीद्धरिः ।
वक्षस्तस्य विदारयन्निजनखैर्वात्सल्यमापादय-
-नार्तत्राणपरायणः स भगवान्नारायणो मे गतिः ॥ २ ॥
श्रीरामोऽत्र विभीषणोऽयमनघो रक्षोभयादागतः
सुग्रीवानय पालयैनमधुना पौलस्त्यमेवागतम् ।
इत्युक्त्वाऽभयमस्य सर्वविदितं यो राघवो दत्तवान्
आर्तत्राणपरायणः स भगवान्नारायणो मे गतिः ॥ ३ ॥
नक्रग्रस्तपदं समुद्धृतकरं ब्रह्मादयो भोः सुरा
रक्षन्तामिति दीनवाक्यकरिणं देवेष्वशक्तेषु यः ।
मा भैषीरिति तस्य नक्रहनने चक्रायुधः श्रीधरो
ह्यार्तत्राणपरायणः स भगवान्नारायणो मे गतिः ॥ ४ ॥
भो कृष्णाच्युत भो कृपालय हरे भो पाण्डवानां सखे
क्वासि क्वासि सुयोधनाद्यपहृतां भो रक्ष मामातुराम् ।
इत्युक्तोऽक्षयवस्त्रसंभृततनुर्योऽपालयद्द्रौपदीं
आर्तत्राणपरायणः स भगवान्नारायणो मे गतिः ॥ ५ ॥
यत्पादाब्जनखोदकं त्रिजगतां पापौघविध्वंसनं
यन्नामामृतपूरकं च पिबतां संसारसन्तारकम् ।
पाषाणोऽपि यदङ्घ्रिपद्मरजसा शापान्मुनेर्मोचितो
ह्यार्तत्राणपरायणः स भगवान्नारायणो मे गतिः ॥ ६ ॥
पित्रा भ्रातरमुत्तमासनगतं ह्यौत्तानपादिर्ध्रुवो
दृष्ट्वा तत्सममारुरुक्षुरधिकं मात्राऽवमानं गतः ।
यं गत्वा शरणं यदाप तपसा हेमाद्रिसिंहासनं
ह्यार्तत्राणपरायणः स भगवान्नारायणो मे गतिः ॥ ७ ॥
आर्ता विषण्णाः शिथिलाश्च भीता
घोरेषु च व्याधिषु वर्तमानाः ।
सङ्कीर्त्य नारायणशब्दमात्रं
विमुक्तदुःखाः सुखिनो भवन्ति ॥ ८
इति श्री कूरेशस्वामि कृत श्री नारायणाष्टकम् ।
Vaatsalyaadabhayapradaanasamayaadaartaartinirvaapanaa-
-daudaaryaadaghashoshanaadaganitashreyah padapraapanaat .
Sevyah shreepatireka eva jagataamete'bhavatsaakshinah
Prahlaadashca vibheeshanashca kariraat paanycaalyahalyaadhruvah . 1 .
Prahlaadaasti yadeeshvaro vada harih sarvatra me darshaya
Stambhe caivamiti bruvantamasuran tatraaviraaseeddharih .
Vakshastasya vidaarayannijanakhairvaatsalyamaapaadaya-
-naartatraanaparaayanah sa bhagavaannaaraayano me gatih . 2 .
Shreeraamo'tra vibheeshano'yamanagho rakshobhayaadaagatah
Sugreevaanaya paalayainamadhunaa paulastyamevaagatam .
Ityuktvaa'bhayamasya sarvaviditan yo raaghavo dattavaan
Aartatraanaparaayanah sa bhagavaannaaraayano me gatih . 3 .
Nakragrastapadan samuddhritakaran brahmaadayo bhoh suraa
Rakshantaamiti deenavaakyakarinan deveshvashakteshu yah .
Maa bhaisheeriti tasya nakrahanane cakraayudhah shreedharo
Hyaartatraanaparaayanah sa bhagavaannaaraayano me gatih . 4 .
Bho krishnaacyuta bho kripaalaya hare bho paandavaanaan sakhe
Kvaasi kvaasi suyodhanaadyapahritaan bho raksha maamaaturaam .
Ityukto'kshayavastrasanbhritatanuryo'paalayaddraupadeen
Aartatraanaparaayanah sa bhagavaannaaraayano me gatih . 5 .
Yatpaadaabjanakhodakan trijagataan paapaughavidhvansanan
Yannaamaamritapoorakan ca pibataan sansaarasantaarakam .
Paashaano'pi yadanghripadmarajasaa shaapaanmunermocito
Hyaartatraanaparaayanah sa bhagavaannaaraayano me gatih . 6 .
Pitraa bhraataramuttamaasanagatan hyauttaanapaadirdhruvo
Drishtvaa tatsamamaarurukshuradhikan maatraa'vamaanan gatah .
Yan gatvaa sharanan yadaapa tapasaa hemaadrisinhaasanan
Hyaartatraanaparaayanah sa bhagavaannaaraayano me gatih . 7 .
Aartaa vishannaah shithilaashca bheetaa
Ghoreshu ca vyaadhishu vartamaanaah .
Sankeertya naaraayanashabdamaatran
Vimuktaduhkhaah sukhino bhavanti . 8
Iti shree kooreshasvaami krita shree naaraayanaashtakam .
About Shri Narayana Ashtakam
Shri Narayana Ashtakam is an eight-verse Sanskrit hymn dedicated to Lord Narayana. This complete reader preserves the verses in Devanagari and supplies a corresponding Roman-English transliteration.
Shri Narayana Ashtakam in Devanagari and Roman English
Use the language buttons above to read the original Devanagari text or the same verses in Roman-English transliteration. Both versions follow the complete text in the same order.
When is Shri Narayana Ashtakam commonly read?
Ekadashi
Thursday Vishnu worship
Narayana puja
Common questions
Is the complete Shri Narayana Ashtakam available in Devanagari?
Yes. This page contains the complete Shri Narayana Ashtakam in Sanskrit in Devanagari, including its opening and closing verses where they form part of the traditional text.
What is included in the English (Roman) tab?
English (Roman) is a transliteration for following the original verses using Latin letters. It is not an English translation.
Looking for more personal guidance?
Along with devotional practice, many people also explore their personal numbers for timing, remedies, and life direction through Destiny Grid numerology.