Soulful Touch/Kavacham/Shri Lakshmi Kavacham

Shri Lakshmi Kavacham

॥ अथ श्रीलक्ष्मीकवचम् ॥
नारायण उवाच।
श‍ृणु विप्रेन्द्र पद्मायाः कवचं परमं शुभम्।
पद्मनाभेन यद्दत्तं ब्रह्मणे नाभिपद्मके॥1॥
सम्प्राप्य कवचं ब्रह्मा तत्पद्मे ससृजे जगत्।
पद्मालयाप्रसादेन सलक्ष्मीको बभूव सः॥2॥
पद्मालयावरं प्राप्य पाद्मश्च जगतां प्रभुः।
पाद्येन पद्मकल्पे च कवचं परमाद्भुतम्॥3॥
दत्तं सनत्कुमाराय प्रियपुत्राय धीमते।
कुमारेण च यद्दत्तं पुष्कराय च नारद॥4॥
यद्धृत्वा पाठनाद् ब्रह्मा सर्वसिद्धेश्वरो महान्।
परमैश्वर्यसंयुक्तः सर्वसम्पत्समन्वितः॥5॥
यद्धृत्वा च धनाध्यक्षः कुबेरश्च धनाधिपः।
स्वायम्भुवो मनुः श्रीमान्पठनाद्धारणाद्यतः॥6॥
प्रियव्रतोत्तानपादौ लक्ष्मीवन्तौ यतो मुने।
पृथुः पृथ्वीपतिः सद्यो ह्यभवद्वारणाद्यतः॥7॥
कवचस्य प्रसादेन स्वयं दक्षः प्रजापतिः।
धर्मश्च कर्मणां साक्षी पाता यस्य प्रसादतः॥8॥
यद्धृत्वा दक्षिणे बाहौ विष्णुः क्षीरोदशायितः।
भक्त्या विधत्ते कण्ठे च शेषो नारायणांशकः॥9॥
यद्धृत्वा वामनं लेभे कश्यपश्च प्रजापतिः।
सर्वदेवाधिपः श्रीमान्महेन्द्रो धारणाद्यतः॥10॥
राजा मरुतो भगवानभवद्धारणाद्यतः।
त्रैलोक्याधिपतिः श्रीमान्नहुषो यस्य धारणात्॥11॥
विश्वं विजिग्ये खट्वाङ्गः पठनाद्धारणाद्यतः।
मुचुकुन्दो यतः श्रीमान्मान्धातृतनयो महान्॥12॥
सर्वसम्पत्पदस्यास्य कवचस्य प्रजापतिः।
ऋषिश्छन्दश्च बृहती देवी पद्मालया स्वयम्॥13॥
धर्मार्थकाममोक्षेषु विनियोगः प्रकीर्तितः।
पुण्यबीजं च महतां कवचं परमाद्भुतम्॥14॥
ॐ ह्रीं कमलवासिन्यै स्वाहा मे पातु मस्तकम्।
श्रीं मे पातु कपालं च लोचने श्रीं श्रियै नमः॥15॥
ॐ श्रीं श्रियै स्वाहेति च कर्णयुग्मं सदाऽवतु।
ॐ श्रीं क्लीं महालक्ष्म्यै स्वाहा मे पातु नासिकाम॥16॥
ॐ श्रीं पद्मालयायै च स्वाहा दन्तान्सदाऽवतु।
ॐ श्रीं कृष्णप्रियायै च दन्तरन्ध्रं सदाऽवतु॥17॥
ॐ श्रीं नारायणेशायै मम कण्ठं सदाऽवतु।
ॐ श्रीं केशवकान्तायै मम स्कन्धं सदाऽवतु॥18॥
ॐ श्रीं पद्मनिवासिन्यै स्वाहा नाभिं सदाऽवतु।
ॐ ह्रीं श्रीं संसारमात्रे मम वक्षः सदाऽवतु॥19॥
ओं श्रीं मों कृष्णकान्तायै स्वाहा पृष्ठं सदाऽवतु।
ओं ह्रीं श्रीं श्रियै स्वाहा च मम हस्तौ सदाऽवतु॥20॥
ॐ श्रीनिवासकान्तायै मम पदौ सदाऽवतु।
ॐ ह्रीं श्रीं क्लीं श्रियै स्वाहा सर्वाङ्गं मे सदाऽवतु॥21॥
प्राच्यां पातु महालक्ष्मीराग्नेय्यां कमलालया।
पद्मा मां दक्षिणे पातु नैरृत्यां श्रीर्हरिप्रिया॥22॥
पद्मालया पश्चिमे मां वायव्यां पातु सा स्वयम्।
उत्तरे कमला पातु चैशान्यां सिन्धुकन्यका॥23॥
नारायणी च पातूर्ध्वमधो विष्णुप्रियाऽवतु।
सन्ततं सर्वतः पातु विष्णुप्राणाधिका मम॥24॥
इति ते कथितं वत्स सर्वमन्त्रौघविग्रहम्।
सर्वैश्वर्यप्रदं नाम कवचं परमाद्भुतम्॥25॥
सुवर्णपर्वतं दत्वा मेरुतुल्यं द्विजातये।
यत्फलं लभते धर्मी कवचेन ततोऽधिकम्॥26॥
गुरुमभ्यर्च्य विधिवत्कवचं धारयेत्तु यः।
कण्ठे वा दक्षिणे बाहौ स श्रीमान्प्रतिजन्मनि॥27॥
अस्ति लक्ष्मीर्गृहे तस्य निश्चला शतपूरुषम्।
देवेन्द्रैश्चासुरेन्द्रैश्च सोऽवध्यो निश्चितं भवेत्॥28॥
स सर्वपुण्यवान्धीमान्सर्वयज्ञेषु दीक्षितः।
स स्नातः सर्वतीर्थेषु यस्येदं कवचं गले॥29॥
यस्मै कस्मै न दातव्यं लोभमोहभयैरपि।
गुरुभक्ताय शिष्याय शरण्याय प्रकाशयेत्॥30॥
इदं कवचमज्ञात्वा जपेल्लक्ष्मीं जगत्प्रसूम्।
कोटिसङ्ख्यं प्रजप्तोऽपि न मन्त्रः सिद्धिदायकः॥31॥
॥ इति श्रीब्रह्मवैवर्ते महापुराणे तृतीये गणपतिखण्डे नारदनारायणसम्वादे श्रीलक्ष्मीकवचवर्णनं नामाष्टात्रिंशत्तमोऽध्यायः ॥

. atha shreelakshmeekavacam .
Naaraayana uvaaca.
Sharinu viprendra padmaayaah kavacan paraman shubham.
Padmanaabhena yaddattan brahmane naabhipadmake.1.
Sampraapya kavacan brahmaa tatpadme sasrije jagat.
Padmaalayaaprasaadena salakshmeeko babhoova sah.2.
Padmaalayaavaran praapya paadmashca jagataan prabhuh.
Paadyena padmakalpe ca kavacan paramaadbhutam.3.
Dattan sanatkumaaraaya priyaputraaya dheemate.
Kumaarena ca yaddattan pushkaraaya ca naarada.4.
Yaddhritvaa paathanaad brahmaa sarvasiddheshvaro mahaan.
Paramaishvaryasanyuktah sarvasampatsamanvitah.5.
Yaddhritvaa ca dhanaadhyakshah kuberashca dhanaadhipah.
Svaayambhuvo manuh shreemaanpathanaaddhaaranaadyatah.6.
Priyavratottaanapaadau lakshmeevantau yato mune.
Prithuh prithveepatih sadyo hyabhavadvaaranaadyatah.7.
Kavacasya prasaadena svayan dakshah prajaapatih.
Dharmashca karmanaan saakshee paataa yasya prasaadatah.8.
Yaddhritvaa dakshine baahau vishnuh ksheerodashaayitah.
Bhaktyaa vidhatte kanthe ca shesho naaraayanaanshakah.9.
Yaddhritvaa vaamanan lebhe kashyapashca prajaapatih.
Sarvadevaadhipah shreemaanmahendro dhaaranaadyatah.10.
Raajaa maruto bhagavaanabhavaddhaaranaadyatah.
Trailokyaadhipatih shreemaannahusho yasya dhaaranaat.11.
Vishvan vijigye khatvaangah pathanaaddhaaranaadyatah.
Mucukundo yatah shreemaanmaandhaatritanayo mahaan.12.
Sarvasampatpadasyaasya kavacasya prajaapatih.
Rishishchandashca brihatee devee padmaalayaa svayam.13.
Dharmaarthakaamamoksheshu viniyogah prakeertitah.
Punyabeejan ca mahataan kavacan paramaadbhutam.14.
On hreen kamalavaasinyai svaahaa me paatu mastakam.
Shreen me paatu kapaalan ca locane shreen shriyai namah.15.
On shreen shriyai svaaheti ca karnayugman sadaa'vatu.
On shreen kleen mahaalakshmyai svaahaa me paatu naasikaama.16.
On shreen padmaalayaayai ca svaahaa dantaansadaa'vatu.
On shreen krishnapriyaayai ca dantarandhran sadaa'vatu.17.
On shreen naaraayaneshaayai mama kanthan sadaa'vatu.
On shreen keshavakaantaayai mama skandhan sadaa'vatu.18.
On shreen padmanivaasinyai svaahaa naabhin sadaa'vatu.
On hreen shreen sansaaramaatre mama vakshah sadaa'vatu.19.
On shreen mon krishnakaantaayai svaahaa prishthan sadaa'vatu.
On hreen shreen shriyai svaahaa ca mama hastau sadaa'vatu.20.
On shreenivaasakaantaayai mama padau sadaa'vatu.
On hreen shreen kleen shriyai svaahaa sarvaangan me sadaa'vatu.21.
Praacyaan paatu mahaalakshmeeraagneyyaan kamalaalayaa.
Padmaa maan dakshine paatu nairrityaan shreerharipriyaa.22.
Padmaalayaa pashcime maan vaayavyaan paatu saa svayam.
Uttare kamalaa paatu caishaanyaan sindhukanyakaa.23.
Naaraayanee ca paatoordhvamadho vishnupriyaa'vatu.
Santatan sarvatah paatu vishnupraanaadhikaa mama.24.
Iti te kathitan vatsa sarvamantraughavigraham.
Sarvaishvaryapradan naama kavacan paramaadbhutam.25.
Suvarnaparvatan datvaa merutulyan dvijaataye.
Yatphalan labhate dharmee kavacena tato'dhikam.26.
Gurumabhyarcya vidhivatkavacan dhaarayettu yah.
Kanthe vaa dakshine baahau sa shreemaanpratijanmani.27.
Asti lakshmeergrihe tasya nishcalaa shatapoorusham.
Devendraishcaasurendraishca so'vadhyo nishcitan bhavet.28.
Sa sarvapunyavaandheemaansarvayajnyeshu deekshitah.
Sa snaatah sarvateertheshu yasyedan kavacan gale.29.
Yasmai kasmai na daatavyan lobhamohabhayairapi.
Gurubhaktaaya shishyaaya sharanyaaya prakaashayet.30.
Idan kavacamajnyaatvaa japellakshmeen jagatprasoom.
Kotisankhyan prajapto'pi na mantrah siddhidaayakah.31.
. iti shreebrahmavaivarte mahaapuraane triteeye ganapatikhande naaradanaaraayanasamvaade shreelakshmeekavacavarnanan naamaashtaatrinshattamo'dhyaayah .

About Shri Lakshmi Kavacham

Shri Lakshmi Kavacham is a Sanskrit hymn dedicated to Goddess Lakshmi. Its complete verses are arranged in Devanagari with a Roman transliteration for readers using English letters.

Shri Lakshmi Kavacham in Devanagari and Roman English

Use the language buttons above to read the original Devanagari text or the same verses in Roman-English transliteration. Both versions follow the complete text in the same order.

When is Shri Lakshmi Kavacham commonly read?

Friday Lakshmi worship
Diwali and Lakshmi Puja
traditional family recitation

Common questions

Is the complete Shri Lakshmi Kavacham available in Devanagari?

Yes. This page contains the complete Shri Lakshmi Kavacham in Sanskrit in Devanagari, including its opening and closing verses where they form part of the traditional text.

What is included in the English tab?

The English tab contains a line-by-line Roman transliteration of the Hindi text. It helps readers pronounce and follow the verses using English letters.

Looking for more personal guidance?

Along with devotional practice, many people also explore their personal numbers for timing, remedies, and life direction through Destiny Grid numerology.

Explore Free Numerology View Premium Reports

Shri Lakshmi Kavacham

About Shri Lakshmi Kavacham

Shri Lakshmi Kavacham in Devanagari and Roman English

When is Shri Lakshmi Kavacham commonly read?

Common questions

Is the complete Shri Lakshmi Kavacham available in Devanagari?

What is included in the English tab?

Looking for more personal guidance?

More from the Kavacham collection

Shri Sita Kavacham

Shri Shitala Kavacham

Shri Narasimha Kavacham

Shri Narayana Kavacham